Rukwangali: NONDAPERO DIMWE (#6329)

Efumadeko Koge, Ove Karunge, kemonekeso Lyoge lyeharo kombunga! Hompa Ove Eparu noUzera wetu, pitisira vapika Woge monzira Zoge, tu ninka tu nongope Moge nokutuhutura kwanayinye.
	Hompa, Karunga, tu ronga Umwe Woge, tu pa udimburukwi woUmwe Woge, asi kwato ogu na tu tara, ntudi Nyove. Ove Mufenkenda noMugavinkenda! Hompa, Karunga gonkenda monomutjima dovaholi Woge, mundiro geharo, asi o veveke magano ganayinye ntudi Koge ntani.
	Monekesa unarunye Woge, wokupitakanena kwetu Ove Karunga-asi Ove wa karapo narunye, kutupu ko Karunga nagepeke ntudi Nyove.
	Yousili, Moge yimo ngatu gwana nonkondo detu.

-Bahá'u'lláh
-----------------------

Rukwangali: NONDAPERO DIMWE (#6330)

Hompa, Karunga gwange, Hompa Karunga gwange, kwa takamesa nomutjima dovapika Woge nokuvamonekesera egano Lyoge lyenene. Va ninka va kwame yipango Yoge nokugendagura monoveta Doge. Va vatera, Ove Karunga, momatokomeno gawo ntani hena o vape nonkondo mokukukarera. Hompa, Karunga! Wa ha va sigilira, nani gendesa nompadi dawo nouzera wediwo Lyoge ntani hena hafesa nomutjima dawo neharo Lyoge. Yousili Ove Omuvateli naHompa gwawo.

-Bahá'u'lláh
-----------------------

Rukwangali: NONDAPERO DIMWE (#6331)

Tanta asi: Oh Karunga,Karunga gwange ! Dwarekange komutwe gwange kumwe nouhungami woge ano ntembeli zange zigwaveka kumwe nehetakano. Yousili ove kwa kara nomauhwi nagenye ntani gomanzi unene. 
Bahá’u’lláh

	Hompa Karunga gwange! Ame kuna kuhundira Koge medina Lyoge lyokufumana, mokuvatera nokugendesa nawa yirugana yovapika Woge. Ove, Gousili, wa kara nononkondo koyininke nayinye.

-Bahá'u'lláh
-----------------------

Rukwangali: NONDAPERO DIMWE (#6332)

Karunga, ninka uzera wagumwe u kudumike evhu nalinye, ntani hena sitamba esi, "soUntungi waKarunga," o si vambeke poyipara yonomuhoko.

-Bahá'u'lláh
-----------------------

Rukwangali: NONDAPERO DIMWE (#6333)

Pwa kara mutundisipo gomaudigu ga hana asi Nyove ndi? Uyunga: Efumadeko kwa Karunga! Yige Karunga! Navenye kwa kara moyipango Yendi.

-The Báb
-----------------------

Rukwangali: NONDAPERO DIMWE (#6334)

Hompa, Karunga! Tendeka nokuhafesa mwenyo gwange. Kuhura mutjima gwange. Zeresa nondunge dange. Ame na tura yirugana Yange momawoko Goge. Ove Mpitisili gwange noUtjiliro wange. Ame kapi tani guvarara tani hafa nokupembura. Hompa, Karunga! Kapi tani kara nowoma, ntani kapi tani kara nosinka somaudigu. Kapi tani kara koyininke yoyidona yeparu.
	Hompa, Karunga! Ove kupitakana muholi, kwange ngwendi moomu ani limono nyamwange. Ame tani ligava Koge, Ove Hompa.

-`Abdu'l-Bahá
-----------------------

Rukwangali: NONDAPERO DIMWE (#6335)

Hompa Hompa gwange, Mukarwa gwange, Mudiworoki gwange! Kara kaume kange mokukara kwange ntani sikwilirange momburundu zange. Fwadurapo ruguwo rwange. Ninka nge ni pure kouwa Woge. Gusange kwa nayinye Ove o poperenge. Koka nge moupongoki Woge. Tura nge mekwatakano IyoUhompa Woge na navenye ava firesinka nayopeke va ku karere Ove, navenye ava ava kakerere Ove siruwo sosire nava ava sikama moyirugana Yoge. Ninka nge ni kare mupika Goge ogu ana panda Uwa Woge. Yousili, Ove oMufenkenda, Gwanavenye.

-`Abdu'l-Bahá
-----------------------

Rukwangali: NONDAPERO DIMWE (#6336)

Ove Hompa, Karunga gwange! Kwafa vaholi Woge ava wa hara, vaha singanyeka momapuliro Goge, va gendagure monzira Zoge, va sikame nzi mosirugana Soge. Va pa nkenda Zoge zikandanepo kudira kukuhomokera Nyamoge, nokukwama site segendeso lyouKarunga. Ove Munankondo, Munankenda, Mukalipo panyamoge, Mugavi, Mudidimiki.

-`Abdu'l-Bahá
-----------------------

Rukwangali: NONDAPERO DIMWE (#6337)

Hompa, ose usuntu, tu pa ufenkenda Woge, Uhepwe, tupa ruha rwekurudiva Lyoge, tuhafesa, twa digopa, tupa sikoda Soge. Yidira yemeguru noyikorama yomowiza kugwana nkenye ezuva nondya Koge, yisitwa nayinye kwa hamena kerero Lyoge lyokounongo Woge wokutekura.
	Waha gusa ogu gokupira nkenda Zoge zokutetukisa, gava nonkondo Doge mounongo Woge kosisitwa esi sokupira mbatero.
	Tu pa nondya detu da nkenye ezuva, gweda ko kugava yihepwa yeparu, asi twaha hamena kwa nagepeke wahana si Nyove, narunye tu vhure kukara kumwenove, tu gendagure mononzira Doge nokuzuvhisa ehoramo Lyoge. Ove Munankondo, no Muneharo, no Mureli gouzuni naunye.

-`Abdu'l-Bahá
-----------------------

Rukwangali: NONDAPERO DIMWE (#6338)

Hompa! Ose kwato nonkondo, tu pameka. Hompa, Karunga! Ose vantu, tu pukurura. Hompa! Ose vahepwe, tu ngawopeka. Hompa, Karunga! Ose twafa, tu pindura. Hompa! Nyaamwetu twa lihunupika, tu nenepeka mountungi Woge. Nsene to tu vatere, Hompa, ngano tatu fana ngwendi nombungururu dokuvembera. Nsene kapito tuvatere, ngatu kara konhi zevhu. Hompa! Tu pameka. Hompa Karunga! Gava efundo kwetu. Hompa Karunga! Ninka tu funde elimonekeso nedowo. Hompa! Tu zowora koupika wouzuni wepevhu. Hompa! Tu fudira munku go Mpepo zoKupongoka asi tu pinduke mokukuruganena, tu karere mokukufumadeka, nokukuruganena mountungi Woge. Hompa! Ove nonkondo unene! Hompa Karunga, Ove Mugusilipo! Hompa, Ove Mufenkenda!

-`Abdu'l-Bahá
-----------------------

Rukwangali: NONDAPERO DIMWE (#6339)

Hompa Karunga gwange, Karunga gwange! Kerera vapika Woge vakulimburuke noyidovauka yomonomutjima vapopera neho Lyoge lyokuvangara keharo nounongo, kononkore, nyengo nomfudu yikare metakameso Lyoge lyokudira kuhakana, nondjew andjewa ko ndamba domatamayi, va ninka va kare yidiviso yehoramo lyountungi Woge, twedera yipara yawo nenkoyima lyaumwe wouKarunga Woge olyo lina kutunda mosite sezuva, hafesa nomutjima davo nonomutayi domountungi Woge odo ava zuvhisa, pameka marutu gawo nononkondo nadinye odo dina kutunda mountungi Woge wosikoda. Ove Mugomoki, Mupopeli, Munankondo nadinye, Munongo.

-`Abdu'l-Bahá
-----------------------

Rukwangali: NONDAPERO DIMWE (#6340)

Hompa Karunga! Hompa Karunga! Esi sidira sevava lyokuremana, ano kutuka kwaso maranga, si vatera si vhure kutuka dogoro kondaga-ndaga zouwa nezoworo, mavava mokutuka kwaso noruhafo nerago mokuteremba meguru, zerura ukaro waso kondaga-ndaga medina Lyoge moyirongo nayinye, hafesamatwi nezwi, zeresa meho mokukutara kepitisiro!
	Ove Hompa! Ame nyamelike, mukuma neguwo. Kwange kwato egano lyokutunda poge, kutupuko muvateli ntudi Nyove, kutupuko ekwafo lyokuhetakana neli Lyoge. Tamburange mosirugana Soge, vaterange nombunga zovaengeli Woge, zeresange metwarokomeho lyononkango Doge ntani ninkange ni dive ukonentu Woge pokatji koyisitwa Yoge. Yousili, Ove Muvateli wovapirankondo, nomukungi govanona, ntani yousili, Ove Mpumbi, Munankondo, noMudilikusininika.

-`Abdu'l-Bahá
-----------------------

